Një aksident zinxhir është regjistruar mesditën e kësaj të hëne në autostradën Durrës-Tiranë, pak para Sukthit, në drejtim të Tiranës.
Në ngjarjen rrugore u përfshinë shtatë automjete. Fillimisht u përplasën dy mjete dhe më pas pesë automjete të tjera u përfshinë në një përplasje zinxhir.
Si pasojë, qarkullimi në drejtimin Durrës-Tiranë u bllokua, duke krijuar radhë të gjata automjetesh.
Ndërkohë, një tjetër aksident u regjistrua edhe në drejtimin Tiranë-Durrës, pranë Maminasit. Për shkak të dy aksidenteve, trafiku u rëndua ndjeshëm, ndërsa kolonat e automjeteve u krijuan në të dyja anët e autostradës.
Nuk pati persona të lënduar.
©ZëriOnline
