Muzika, arti, sporti dhe tradita u bashkuan në edicionin e katërt të “Vajza Fest”, aktivitetit që zhvillohet në fshatin Vajzë të Selenicës dhe që tashmë është kthyer në një traditë për komunitetin e zonës.
Festa sjell në vëmendje historinë, zakonet dhe trashëgiminë kulturore të kësaj treve, duke krijuar një hapësirë ku komuniteti, të rinjtë, artistët dhe banorët bëhen bashkë.
Në aktivitet ishte i pranishëm edhe kryeministri Edi Rama, i cili përshëndeti të pranishmit dhe vlerësoi organizimin.
Në fjalën e tij, kryetari i bashkisë Selenicë, Nertil Bellaj, vlerësoi rëndësinë e “Vajza Fest” dhe ruajtjen e vlerave e traditave të zonës, duke theksuar se kjo traditë do të vijojë.
Përmes muzikës, artit, aktiviteteve sportive dhe elementëve të trashëgimisë kulturore, “Vajza Fest” synon të ruajë dhe përcjellë ndër breza traditat vendase, duke i dhënë jetë të re kulturës dhe identitetit të kësaj treve.
Aktiviteti tashmë është kthyer në një moment të rëndësishëm për komunitetin, duke promovuar vlerat e zonës dhe duke afruar brezat përmes kulturës dhe traditës.
©ZëriOnline
