Është identifikuar nga policia edhe viktima e dytë e aksidentit të rëndë të ndodhur mesnatën e kaluar në Golem, ku një motomjet me dy persona u përplas me një bordurë.
Në vijim të informacionit paraprak, policia bën me dije se personi tjetër që humbi jetën është Oldion Tusha, 42 vjeç, banues në Mirditë.
Më herët u identifikua si viktimë drejtuesi i motomjetit, Elton Luzati, 44 vjeç nga Tirana.
Aksidenti ndodhi rreth orës 00:20 të 25 gushtit. Grupi hetimor vijon punën për dokumentimin dhe sqarimin e plotë të rrethanave të ngjarjes. Shkon në 8 numri i viktimave në aksidentet rrugore në Durrës brenda një jave.
©ZëriOnline
