Teksa viti i ri akademik po afrohet, renditjet ndërkombëtare të universiteteve ofrojnë një panoramë të rëndësishme mbi cilësinë akademike, kërkimin shkencor, reputacionin, punësimin e të diplomuarve dhe ndërkombëtarizimin e institucioneve të arsimit të lartë.
Por në botë nuk ekziston një renditje e vetme absolute. Ndër më të njohurat janë QS World University Rankings, Times Higher Education (THE) dhe Academic Ranking of World Universities (ARWU/Shanghai Ranking), ndërsa UNIRANKS dhe uniRank përdorin metodologji të ndryshme dhe përfshijnë një numër shumë më të madh institucionesh.
MIT kryeson botën sipas QS, Oxford sipas Times Higher Education
Në renditjen më të fundit të QS World University Rankings 2027, universiteti më i mirë në botë është Massachusetts Institute of Technology (MIT) në Shtetet e Bashkuara.
Pas MIT renditen në vend të dytë, me pikë të barabarta, Imperial College London në Mbretërinë e Bashkuar dhe Stanford University në SHBA. Më pas vjen University of Oxford, në vendin e katërt, ndërsa Harvard University renditet i pesti.
Në këtë renditje, SHBA dhe Mbretëria e Bashkuar dominojnë pjesën e sipërme të klasifikimit, ndërsa në dhjetëshen e parë futen edhe universitete nga Zvicra dhe Singapori.
Në një tjetër nga renditjet më prestigjioze, Times Higher Education World University Rankings 2026, situata është pak ndryshe.
Këtu kryeson University of Oxford, i cili mban vendin e parë për të dhjetin vit radhazi. Pas tij renditet MIT, ndërsa Princeton dhe Cambridge ndajnë vendin e tretë. Harvard dhe Stanford janë në vendin e pestë të barabartë.
Ndërkohë, Shanghai Ranking – ARWU 2025, një renditje e fokusuar veçanërisht te kërkimi shkencor dhe arritjet akademike, e vendos në krye Harvard University, i ndjekur nga Stanford dhe MIT.
Pra, sipas tre prej klasifikimeve më të njohura:
– QS 2027: MIT – SHBA
– Times Higher Education 2026: Oxford – Mbretëria e Bashkuar
– Shanghai Ranking 2025: Harvard – SHBA
Kjo tregon edhe një element të rëndësishëm: rezultati ndryshon në varësi të kritereve që përdor secila organizatë.
Po Europa?
Në renditjen QS World University Rankings: Europe 2026, universiteti më i mirë europian është University of Oxford. Në vendin e dytë renditet ETH Zurich, ndërsa Mbretëria e Bashkuar dominon 7 nga 10 vendet e para.
Në klasifikimin e QS për Europën Jugore, universiteti kryesor është Politecnico di Milano në Itali.
Ku ndodhet Shqipëria?
Edhe pse universitetet shqiptare nuk janë ende pjesë e elitës botërore të renditjeve globale, disa prej tyre tashmë përfshihen në klasifikime ndërkombëtare.
Një nga renditjet që jep një pamje më të detajuar për Shqipërinë është UNIRANKS 2027.
Sipas kësaj renditjeje, Universiteti i Tiranës është universiteti shqiptar më i mirë, në vendin e parë në Shqipëri, me një pozicion global 3521 dhe një rezultat të përgjithshëm 56. 64 pikë.
Në vendin e dytë në Shqipëri renditet Universiteti Epoka, me pozicion global 4120, ndërsa në vendin e tretë është Universiteti Bujqësor i Tiranës, në pozicionin 4199. Pas tyre renditen Universiteti i Vlorës dhe Universiteti “Zoja e Këshillit të Mirë”.
UNIRANKS thotë se në edicionin 2027 ka vlerësuar 37,409 regjistrime universitare në mbarë botën, nga të cilat 14,291 universitete janë verifikuar dhe renditur, në 228 vende.
Renditja e universiteteve shqiptare sipas UNIRANKS 2027
| Universiteti | Vendi në Shqipëri | Pozicioni global |
©ZëriOnline
