Një 28-vjeçar filipinez ka humbur jetën tragjikisht në Durrës, pasi ka rënë në kontakt me energjinë elektrike teksa punonte në një varkë.
Ngjarja është shënuar rreth orës 12:20 në lagjen nr. 1, ku shtetasi A. R., punëtor i një firme private, po punonte me një pompë për largimin e ujit nga varka.
Gjatë punës, 28-vjeçari ka rënë në kontakt me rrymën elektrike dhe, pavarësisht ndërhyrjes, ka ndërruar jetë.
Në vendngjarje ndodhet grupi hetimor, i cili po punon për dokumentimin e ngjarjes dhe zbardhjen e plotë të rrethanave që çuan në vdekjen e punëtorit.
©ZëriOnline
