Një ngjarje e rëndë ka ndodhur në fshatin Vreshtas të Korçës, rreth orës 10:45, ku një baba ka plagosur me thikë djalin e tij 15-vjeçar. Konflikti ka nisur pasi adoleshenti refuzonte të shkonte në shkollë, gjë që çoi në një përplasje të ashpër mes babait dhe djalit.
Sipas dëshmisë së Shpëtim Çukës, babai i të miturit, ai ka debatuar me djalin sepse ky i fundit qëndronte në telefon dhe nuk donte të shkonte në shkollë.
“Unë i thoja të ikte në shkollë se ora kishte shkuar, por ai nuk më dëgjonte. Ishim duke u grindur, dhe në atë moment kisha një biçak në dorë, me të cilin e godita,” ka deklaruar ai.
15-vjeçari ka pësuar plagë në brinjë dhe është transportuar menjëherë për ndihmë mjekësore. Pas trajtimit, mjekët bëjnë të ditur se ai është jashtë rrezikut për jetën.
©️zërionline
