Futbollisti 31-vjeçar i Flamurtarit, Sodiq Atanda, me shtetësi të huaj, është plagosur me thikë dhe ndodhet nën kujdesin e mjekëve në spitalin e Vlorës.
Sipas informacioneve paraprake, dyshohet se Atanda ishte duke ecur në rrugë kur u qëllua me thikë gjatë një tentative grabitjeje. Ndërkohë, policia e Vlorës ka nisur hetimet dhe po merr në pyetje futbollistin në ambientet e spitalit, ndërsa po vijon kërkimet për identifikimin dhe kapjen e autorit të ngjarjes.
Sodiq Ololade Atanda, i lindur në gusht 1993 në Kano, Nigeri, luan prej vitesh me klubet shqiptare dhe aktualisht është një futbollist profesionist që luan si mbrojtës qendror për Flamurtarin në Shqipëri.
©️zërionline
