Të shtëna me armë mbi depon farmaceutike në rrugën dytësore në autostradën Tiranë-Durrës, në Kashar. Gjatë natës raportohet se u qëllua me breshëri plumbash kompania farmaceutike “CFO Pharma” e Nadir Çaushollit.
Punonjësit e sigurisë e kanë raportuar ngjarjen në polici vetëm sot rreth orës 8:00 të mëngjesit. Ngjarja u tentua të fshihet nga kompania fillimisht. Ndërkaq një grup po heton mbi ngjarjen.
Kamerat e sigurisë kanë filmuar të gjithë ngjarjen. Në pamjet e kamerave u vu re se një mjet ka kaluar para biznesit rreth orës 2 pas mesnatës dhe persona të paidentifikuar kanë nisur të qëllojnë me armë zjarri drejt objektit. Mjeti ndalon një çast dhe pas kësaj autorët janë larguar, në drejtim të Vorës. Në vendin e ngjarjes janë gjetur të paktën 30 gëzhoja. Nga breshëria e plumbave nuk ka të lënduar, ndërsa është dëmtuar fasada prej xhami e godinës.
Kjo kompani është fituese e qindra kontratave publike në vend me qendra spitalore dhe shëndetësore, ndaj po hetohet edhe në këtë pistë.
©️zërionline
