Trafiku i narkotikëve brenda vendit,
Policia e Durrësit organizon operacionin antidrogë të koduar “Spring”, duke vënë në pranga tre persona të përfshirë në të. Në kuadër të aksionit, u sekuestruan 3.5 kilogramë kanabis sativa, e gatshme për shitje. Arrestimet u kryen pas një hetimi intensiv, që çoi në kapjen e transportuesit dhe dy furnizuesve të drogës në qytetin bregdetar.
Si rezultat, u arrestua në flagrancë Haxhi Çela, 34 vjeç, banues në Lushnjë, i cili u kap pranë mbikalimit të Shkozetit duke transportuar lëndë narkotike në automjetin e tij. Gjatë kontrollit, në bagazhin e mjetit u gjetën dhe sekuestruan 3.5 kilogramë kanabis sativa, të destinuara për tregun e Lushnjës.
Hetimet zbuluan se lënda narkotike ishte blerë nga dy persona të tjerë në Durrës. Bazuar në këtë informacion, policia lokalizoi dhe arrestoi Ardis Kraja, 43 vjeç, dhe Gerald Kuqi, 25 vjeç, të cilët akuzohen për prodhim dhe shitje të lëndëve narkotike në bashkëpunim. Gjithashtu, gjatë kontrollit të automjetit të tyre, u sekuestrua një dorezë hekuri, gjë që shton dyshimet për aktivitet kriminal.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
©️zërionline
