Franz Kafka konsiderohet një nga autorët më të famshëm të shekullit XX. Veprat e tij janë ende të rëndësishme sot, universale, plot me personazhe groteske dhe magjepsëse.
Kush nga personazhet letrarë të Kafkës je ti?
Përgjigju pyetjeve të testit tonë psikologjik për ta zbuluar! Simbolet që zgjedh më shpesh do të zbulojnë rezultatin tënd.
Marta Krus, Beatrice Davies
1. Si do të të përshkruanin miqtë e tu?
♦ Ata thonë se jam i/e turpshëm/me.
• Nuk më shqetësojnë përshkrimet.
≈ Miqtë e mi do të thoshin se më pëlqen shumë të festoj.
► Disa herë më kanë përshkruar si shumë të arsyeshëm.
2. Një anëtar i familjes tënde ka grip, si reagon ti?
• Absolutisht nuk dua ta marr! Më duhet të punoj dhe të qëndroj në formë.
► Do të kujdesesha për ta.
≈ Do t’u ofroja këshillën time, nuk mund të bëj më shumë se kaq.
♦ Nëse dikush në familjen time sëmuret, edhe unë do të sëmurem patjetër.
3. Çfarë mendon se është sekreti i dashurisë së vërtetë?
► Duhet të mbështesni njëri-tjetrin në dashuri dhe të mund të mbështeteni tek njëri-tjetri.
• Nuk besoj në dashurinë e vërtetë. Mundohem t’i mbaj gjërat sa më të thjeshta.
≈ Nuk ka diçka të tillë si “e vetmja” dashuri e vërtetë, çdo dashuri është e vërtetë dhe unike.
♦ Dashuria e vetme e vërtetë është dashuria pa kushte.
4. Si do ta përshkruaje marrëdhënien tënde me punën?
• Punoj edhe kur jam me pushime. Puna është e para për mua.
♦ Për mua, puna është e orientuar drejt qëllimit. Nuk më pëlqen veçanërisht puna ime, por më duhet të paguaj borxhet.
≈ Më pëlqen puna ime dhe dua të fokusohem në zhvillimin tim personal, por puna nuk është gjëja më e rëndësishme në jetë.
► Dëshirat nuk i lajnë enët.
5. Është mbrëmja e së dielës, cilin film klasik do të shikoje?
• Citizen Kane
♦ All Quiet on the Western Front
≈ Thelma & Louise
► Casablanca
6. Si do të reagoje nëse do të ishe i përfshirë në një gjyq?
• Nuk do të më ndikonte emocionalisht. Ndjenjat nuk janë të përshtatshme në proceset ligjore.
♦ Do të ndikohesha shumë emocionalisht. Do të më dukej e tmerrshme.
≈ Nuk do të ishte shumë keq. Jam i interesuar për çështjet ligjore, i gjej tërheqëse.
► Do të qasesha më pragmatikisht.
7. Zgjidh një nga citatet e mëposhtme:
♦ “Si do të ishte sikur të fleja pak më gjatë dhe të harroj të gjitha këto marrëzi.”
≈ “Jo, jo, kurrë nuk zemërohem me askënd.”
► “Pra, je i lirë?”
• “Gënjeshtrat janë bërë në një sistem universal.”
8. Je një person…
► proaktiv…
♦ pasiv…
≈ aktiv…
• ofendues?
9. Motoja jote në jetë?
► Eksploro rrugë të reja.
♦ Ndihmo të tjerët.
≈ Ji i/e lirë dhe bëj atë që dëshiron.
• Jeto dhe lejo të jetojnë.
Numëro tani simbolet e zgjedhura dhe zbulo rezultatin!
• Joseph K. – i zellshëm, i suksesshëm dhe autodestruktiv
Ti je Joseph K. nga romani “Procesi”. Jozefi 30-vjeçar është jashtëzakonisht punëtor dhe ambicioz, pothuajse një punëtor i palodhur. Ai është sekretari kryesor i një banke të madhe dhe ka privilegje dhe pushtet të gjërë. Përveç punës dhe disa kontakteve sporadike njerëzore, nuk ka asgjë tjetër në jetën e K. Ai nuk ka pothuajse asnjë mik, babai i tij nuk është më dhe marrëdhëniet me anëtarët e tjerë të familjes janë prishur. Ai ka një karrierë të suksesshme, por duket se Josephi është i izoluar shoqërisht. Ndërveprimet e tij romantike janë kryesisht të kufizuara në marrëdhënie fizike. Joseph K. tregon tendenca vetëshkatërruese, të cilat shprehen në injorancën ndaj ndjenjave të tij, obsesionin me gjykatën dhe mendimet e tij të shpeshta për vetëvrasje.
Joseph K. | Ilustrim: © Beatrice Davies
≈ Fräulein Bürstner – joshëse, e pavarur dhe e dashur
Ti je Fräulein Bürstner nga romani “Procesi”. Fräulein Bürstner është fqinja e Joseph K. dhe punon si daktilografe. Ajo është një personalitet i emancipuar dhe i pavarur. Fräulein Bürstner merr pjesë aktivisht në një stil jetese social dhe kulturor pa u varur nga shoqëria e një burri. Ajo është një person me karakter të fortë, që ndjek qëllimet e saj me besim dhe përkushtim. Ajo krijon përshtypjen e të qenit e paarritshme dhe misterioze. Ajo ka një reputacion të keq me zonjën e shtëpisë, Frau Grubach, sepse del shumë dhe shpesh kthehet shumë vonë në shtëpi. Fräulein Bürstner është e interesuar për çështjet ligjore. Kurioziteti i saj intelektual në lidhje me procesin e bën atë tërheqëse për Joseph K. dhe me kalimin e kohës ajo bëhet objekti i dëshirës së tij.
Fräulein Bürstner | Ilustrim: © Beatrice Davies
♦ Gregor Samsa – i tërhequr, i zymtë dhe vetmohues
Ti je Gregor Samsa nga “Metamorfoza”. Gregori është ndërmjet 20 dhe 30 vjeç dhe punon si shitës për një kompani tekstilesh. Ai e mori punën vetëm për të paguar borxhet e babait të tij. Edhe pse Gregori nuk është fajtor për dështimet e babait të tij, ai ndjen përgjegjësi për to. Kjo rezulton në një varësi të rëndë, nën të cilën ai vuan shumë. Ai është i ndërgjegjshëm, punëtor, i përgjegjshëm dhe altruist. Gregori nuk ka shumë miq ose të njohur. Natyra e tij melankolike, e tërhequr, vetmohuese dhe e mirë bën që ai të shfrytëzohet dhe përfundimisht të përçmohet nga familja e tij. Edhe pse ai mund të mbrohej, nuk e bën për hir të familjes së tij. Personaliteti i tij karakterizohet nga besimi i mirë, por në të njëjtën kohë a
i mungon guximi moral. Ai është i lehtë për t’u drejtuar, naiv dhe shpesh nuk është i aftë të përfaqësojë pikëpamjet e tij. Ndonjëherë ai kapet nga një shpërthim i fortë emocionesh që duken tërësisht të forta.
Gregor Samsa
Ilustrim: © Beatrice Davies
► Grete Mitzelbach – e kujdesshme, mëmësore dhe ndihmuese
Ti je Grete Mitzelbach nga romani “Njeriu që u zhduk”. Grete Mitzelbach vjen nga Vjena. Ajo është 50 vjeç dhe punon si kryekuzhiniere në Hotelin “Occidental”. Grete vuan nga pagjumësia e vazhdueshme, e shkaktuar nga niveli i lartë i stresit fizik që lidhet me punën e saj. Të lodhura e syve dhe fytyrës i tregojnë lodhjen. Ajo është një person i sinqertë, empatike dhe ndihmuese.
Grete
Ilustrim: ©Beatrice Davies
©️zërionline
*Ripublikimi i materialeve tona lejohet vetëm nëse bëhet citimi i autorit, burimit origjinal.
