Prifti Kristaq Viso është nisur me urgjencë drejt një spitali në Tiranë, pas një aksidenti të rëndë që ka pësuar gjatë kohës që ishte duke punuar në çatinë e kishës ku shërbente. Lajmi është konfirmuar nga burime pranë Kishës Ortodokse Autoqefale të Shqipërisë, ndërsa mësohet se ka qenë vetë Kryepeshkopi i Tiranës, Durrësit dhe gjithë Shqipërisë, Imzot Joan Pelushi, ai që ka kërkuar menjëherë transferimin e tij për ndihmë të specializuar mjekësore.
Sipas informacioneve të para, prifti Viso ka pësuar dëmtime serioze në kokë dhe në trup dhe aktualisht ndodhet nën kujdesin intensiv të mjekëve në kryeqytet. Burime spitalore bëjnë me dije se gjendja e tij shëndetësore është e rënduar.
Ngjarja ka ndodhur teksa prifti ishte duke kryer punime të vogla riparimi në çatinë e kishës. Autoritetet dhe komuniteti fetar janë duke ndjekur me shqetësim gjendjen e tij, ndërsa shpresohet për përmirësim të shpejtë të shëndetit të priftit.
©️zërionline
