Autori i dyshuar i vrasjes së 31-vjeçarit Eraldo Nevruzi në Dhërmi është Gerald Shehu, bashkëpronar i hotelit ku viktima punonte si recepsionist. Policia njofton se po vijon puna për gjetjen e trupit të Nevruzit dhe zbardhjen e plotë të ngjarjes, ndërsa autori është ende në kërkim dhe dyshohet se ndodhet në Greqi, referuar të dhënave nga sistemi TIMS. Autoritetet greke po bashkëpunojnë për kapjen e tij.
Hetimet e deritanishme, bazuar në pamjet filmike dhe dëshmitë e marra, tregojnë se Gerald Shehu ka qëlluar me armë zjarri ndaj Eraldo Nevruzit rreth orës 00:30 të ditës së enjte. Grupi hetimor ka mbërritur në hotel ku ka kryer një sërë veprimesh hetimore nga të cilat rezulton se Nevruzi është qëlluar me armë zjarri nga 43-vjeçari.
Janë dy pista hetimore të ngritura deri tani: njëra për një konflikt banal të çastit dhe tjetra për njohje të mëparshme dhe përfshirje në aktivitete të paligjshme në Angli, ku të dy, viktima dhe autori, kishin jetuar.
©️zërionline
*Ripublikimi i materialeve tona lejohet vetëm nëse bëhet citimi i autorit, burimit origjinal.
