Qeverisje Gjithëpërfshirëse e Migracionit në Ballkanin Perëndimor
Duke bashkuar delegacione nga Ballkani Perëndimor, Bangladeshi, Nepali dhe Pakistani, në Shqipëri u zhvillua këtë javë takimi i dytë i Grupit Rajonal të Specialistëve të Ripranimit (GRSR) u fokusua në forcimin e bashkëpunimit me vendet e origjinës drejt një qeverisje gjithëpërfshirëse të migracionit.
Mungesa e marrëveshjeve me disa nga vendet kryesore të origjinës është një nga sfidat më të mëdha në bashkëpunimin për qeverisjen e migracionit që përfshin gjithë spektrin e vijueshmërisë së migracionit. Për më tepër, kërkesa në rritje për punë në Ballkanin Perëndimor, e nënvizuar nga anëtarët e GRSR, paraqet rrezik që migrantët e rregullt të bëhen të parregullt.
Kjo nënvizon nevojën urgjente për përmirësimin e bashkëpunimit dhe koordinimit për të krijuar një qasje gjithëpërfshirëse të qeverisjes së migracionit që integron skemat e mundshme të lëvizshmërisë për punë me bashkëpunimin për kthimin dhe ripranimin, duke krijuar rrugë të rregullta që përmbushin kërkesat e rritura për punë në Ballkanin Perëndimor dhe për rrjedhojë të adresojnë rreziqet e migracionit të parregullt.
Gjatë takimit, specialistë nga Ballkani Perëndimor, Bangladeshi, Nepali dhe Pakistani identifikuan dhe formuluan prioritetet e përbashkëta për bashkëpunim në të ardhmen. Së bashku me ekspertët, eksploruan tema të ndryshme si lejet unike të punës dhe alternativat për marrëveshjet e ripranimit, si dhe ndanë praktikat më të mira. Takimi ofroi një mundësi për delegacionet për të forcuar bashkëpunimin përmes takimeve dypalëshe të përshtatura për kontekstet e secilit delegacion, duke përcaktuar hapa konkrete për të avancuar më tej bashkëpunimin.
©️zërionline
*Ripublikimi i materialeve tona lejohet vetëm nëse bëhet citimi i autorit, burimit origjinal.
