Reperi i njohur shqiptar, Noizy, është përballur me një situatë të papritur në Zvicër, ku pritej të mbante një koncert në Zyrih si pjesë e turneut promovues për albumin e tij të ri. Por, sapo ka zbritur në aeroport, ai është ndaluar nga autoritetet zvicerane.
Burime për “Prive By LS” raportojnë se reperi është ndaluar menjëherë pas mbërritjes, ndërsa ende nuk ka një komunikatë zyrtare për arsyet. Dyshohet se ndalimi lidhet me probleme dokumentacioni apo mungesën e vizës së punës, një çështje që ka prekur edhe artistë të tjerë që performojnë në vendet e BE-së pa leje të posaçme.
Ndërkohë, klubit ku ishte planifikuar koncerti i janë fshirë të gjitha njoftimet dhe posterët nga rrjetet sociale, duke ngritur edhe më shumë pikëpyetje mbi situatën. As vetë Noizy nuk ka dhënë asnjë reagim publik, duke shtuar spekulimet në rrjet.
Ky incident mund të jetë një tjetër paralajmërim për artistët që udhëtojnë për performanca pa ndjekur protokollet ligjore të vendeve pritëse.
©️zërionline
