Vetëm 6 vite burg për një vrasje të kryer 8 vjet më parë, por pas vendimit të Gjykatës së Lartë, një 39-vjeçar nga Durrësi u ndalua nga policia për të vuajtur pjesën tjetër të dënimit. Pas vendimit të Gjykatës së Lartë për dënimin përfundimtar me 10 vjet burgim për vrasjen e Asllan Kërtushës, Policia e Durrësit prangosi Gëzim Kajnon, i cili prej disa muajsh ishte shpallur në kërkim.
Pasi kishte kryer 6 vite dënim, Kajno ishte lënë i lirë, por vendimi ishte ankimuar dhe në përfundim të gjykimit të çështjes në të gjitha shkallët e gjyqësorit ai duhet të vuajë dhe 4 vite të tjera burg për të shlyer dënimin për vrasjen e 30-vjeçarit Asllan Kërtusha, pas një konflikti banal që nisi në lokalin e Kajnos pranë Ujësjellës Kanalizimeve të Durrësit më 1 mars të vitit 2016. Në gjendje të dehur, viktima ishte kthyer në shqetësim për klientët e lokalit ndaj Kajno së bashku me një kushëririn e vet që mbeti i plagosur aksidentalisht në këtë ngjarje e nxorrën jashtë lokalit. Pas sherrit, Kërtusha ka tentuar të largohet me një taksi nga e cila u nxorr me dhunë nga dy kushërinjtë, ndërsa Gëzim Kajno e qëlloi me pistoletë në kraharor duke i shkaktuar vdekjen.
@zërionline
*Ripublikimi i materialeve tona lejohet vetëm nëse bëhet citimi i autorit, burimit origjinal.
