“Kur do shteti, e kap lepurin me qerre.” Në një reagim të saj Drejtoria Vendore e Policisë Durrës ka njoftuar se pas videos të postuar në portalin “JOQ”, në të cilën shfaqet një shtetas duke keqtrajtuar një mace, menjëherë shërbimet e stacionit të policisë Rrogozhinë kryen verifikimet dhe në përfundim të tyre u bë identifikimi i autorit të rastit. Ai u identifikua si shtetasi R. B., 77 vjeç, banues në Rrogozhinë. Për 77-vjeçarin u referuan materialet në Prokurori dhe nisi procedimi penal në gjendje të lirë për veprën “Keqtrajtimi i kafshës”, sipas parashikimeve të nenit 207/c të Kodit Penal. Nëse i moshuari gjendet fajtor, ai rrezikon dënimin me gjobë dhe burgim gjer në 3 muaj.
Drejtoria Vendore e Policisë Durrës ndërkohë ka ftuar median dhe qytetarët të denoncojnë në numrin 112, çdo paligjshmëri, dhe i garanton ata se do të reagojë menjëherë, konform ligjit dhe me paanshmëri.
©zërionline
