Trupi i pajetë i recepsionistit të hotel “Greccia” në Dhërmi, Eraldo Nevruzi, është gjetur afër një guroreje pa shkuar në Vuno. Nevruzi, 31 vjeç, u vra nga pronari i hotelit, Gerald Shehu, i cili e qëlloi me dy plumba në kokë. Dy punonjës të hotelit, Daniel Qose, 33 vjeç, dhe David Larti, 30 vjeç, të dy nga Korça, janë arrestuar si bashkëpunëtorë në fshehjen e trupit, duke e vendosur në qese plehrash dhe më pas në bagazhin e makinës tip Audi. Ngjarja ndodhi pak pas mesnatës së të mërkurës, më 6 qershor 2024. Turistët e akomoduar në hotel kanë dëgjuar krismat, kurse vjehrra e autorit të dyshuar ka njoftuar policinë për zhdukjen e autorit, pa e ditur se në krim ishte përfshirë dhëndri i saj. Veprimet e shpejta çuan në kapjen e autorit në shtetin fqinj dhe gjetjen e trupit.
©️zërionline
*Ripublikimi i materialeve tona lejohet vetëm nëse bëhet citimi i autorit, burimit origjinal.
