Hetty Green njihet si gruaja më dorështrënguar në histori. Pasuria e saj vlerësohet më shumë se 2.3 miliardë dollarë. Greene lindi në Amerikë në vitin 1835. Ajo ishte vajza e vetme e një biznesmeni të pasur.
Nga babai i saj ajo trashëgoi një pasuri të vlerësuar në 7.5 milionë dollarë. Kur ishte njëzet e një vjeç, ajo u zhvendos për të jetuar në New York për të investuar paratë e saj në Wall Street dhe u quajt Shtriga e Keqe e Wall Street.
Ajo u martua me një milioner si vetja, por gjithsesi jetonte me mbeturinat e ëmbëlsirave dhe biskotave të thyera në dyqanet ushqimore dhe grindej për të marrë dhe një kockë falas për qenin e saj çdo ditë. Hetty Greene ishte një grua shumë e mjeruar. Thuhet se ajo i arnonte të mbathurat që kur ishte 16 vjeç dhe nuk i ndërroi ato, ose më saktë nuk bleu të tjera deri në ditën e vdekjes së saj.
Ajo kurrë nuk shpenzonte asnjë qindarkë, kështu që thuhej se ajo kurrë nuk përdorte as ujë të ngrohtë, vishte një fustan të zi që nuk e ndërroi deri sa iu gris krejtësisht dhe jetonte duke ngrënë një byrek që kushtonte vetëm dy centë.
Me qasjen e saj koprace, Hetty u bë shkak që të birit t’i pritej këmba, sepse kur ai e theu, ajo vonoi trajtimin e tij sepse ngulmonte të mos shpenzonte para dhe kërkonte vazhdimisht kujdes mjekësor falas.
Hetty Greene vdiq në vitin 1916 në moshën 81-vjeçare në New York City dhe u fut në Librin e Rekordeve Guinness si “personi më dorështrënguar në botë.”
Shkaku i vdekjes së saj ishte një goditje tru për shkak të një grindjeje me shërbëtoren e saj, sepse ajo kërkoi një rritje në pagën e saj të vogël.
Ajo vdiq dhe la pas një pasuri të madhe, dhe fëmijët e saj nuk e trashëguan kopracinë e saj ekstreme, përkundrazi, ata ishin bujarë deri në atë pikë sa vajza e saj ndërtoi një spital falas me paratë e saj.
©️zërionline
*Ripublikimi i materialeve tona lejohet vetëm nëse bëhet citimi i autorit, burimit origjinal.
