René Angélil u takua me Céline Dion kur ajo ishte 12 vjeçe. Ai u magjeps nga aftësitë e saj, zëri i saj dhe menjëherë e vendosi ta mbështesë atë.
Një vit më pas, René vendosi në hipotekë shtëpinë e tij për të financuar albumin e parë të Céline Dion. Albumi rezultoi i suksesshëm.
Céline Dion lindi në Quebec, kështu që ajo nuk e kuptonte gjuhën angleze. Quebec është pjesë frëngjisht-folëse e Kanadasë. Ndaj René siguroi që Céline të merrte mësime të gjuhës angleze deri sa ajo u bë e rrjedhshme në këtë gjuhë. Ai dëshironte që ajo të këndonte në anglisht për të depërtuar në tregun amerikan.
Përpjekjet e René-së u shpërblyen pasi Céline firmosi një kontratë me Epic Records dhe albumi i saj i parë në anglisht debutoi në vitin 1993. René Angélil ishte menaxheri dhe bashkëshorti i saj. Ata u martuan në vitin 1994. Marrëdhënia e tyre u bë romantike kur Céline ishte 19 vjeçe dhe René, 26 vjet më i madh se ajo.
Céline Dion mbeti besnike ndaj René edhe kur ajo u bë shumë e suksesshme. Ajo nuk lejoi që suksesi ta ndante nga marrëdhënia e saj me René. Ajo madje anuloi disa koncerte kur René luftonte me kancerin. Ata kanë tre fëmijë së bashku.
René u diagnostikua me kancer tri herë. Ai më në fund u dorëzua ndaj kancerit dhe ndërroi jetë në vitin 2016. Ata qenë të martuar për 22 vjet.
Céline Dion është një grua e mirë. Ajo nuk u largua nga bashkëshorti i saj që i dha një mundësi atëherë kur askush nuk e njihte. Dhe ajo u bë e suksesshme. Céline Dion ishte e njohur për zërin e saj dhe veshjet modeste, larg zhveshjes. Ajo ishte një grua shumë femërore në rininë e saj dhe dallohej për këtë.
Edhe pse për shkak të një sëmundjeje që i ka prekur zërin, ajo mbetet një divë botërore e këngës, me një kontribut të pazëvendësueshëm.
@zërionline
*Ripublikimi i materialeve tona lejohet vetëm nëse bëhet citimi i autorit, burimit origjinal.
