Koha e korrjes së produktit të paligjshmërisë. Në kuadër të megaoperacionit policor “Territor i pastër” në qarkun e Shkodrës, janë gjetur dhe asgjësuar 2738 fidanë kanabisi. Në fshatin Lohe të Malësisë së Madhe, janë proceduar penalisht dy persona për kultivimin e 141 fidanëve kanabisi, ndërsa kryetari i fshatit dhe një specialist i pyjeve janë akuzuar për shpërdorim të detyrës.
Operacioni ka vazhduar me intensitet të lartë në të gjithë territorin e njësive administrative Shosh, Pult dhe Shllak, ku janë gjetur dhe asgjësuar 2597 fidanë të tjerë kanabisi.
Në Lezhë dhe Mirditë, policia ka asgjësuar 562 bimë kanabisi të gjetura në fshatrat Kepsh-Velë, Rras dhe Zall Xhuxhë. Hetimet për identifikimin e autorëve të kultivimit të këtyre bimëve vijojnë.
Materialet janë dërguar në Prokurori për veprime të mëtejshme, ndërsa të korrat vazhdojnë.
@zërionline
