Një 25-vjeçare vdiq fatkeqësisht mëngjesin e sotëm në Brindisi, në juglindje të Italisë, pasi ra në hapësirën boshe teksa po hynte në ashensor, por kabina nuk ishte aty.
25 vjeçarja Clelia Ditano, ra nga rreth katër kate kur tentoi të hynte në ashensor pas hapjes së dyerve në katin e saj, e reja kishte shtypur butonin e thirrjes dhe hyri mes dyerve pa e vënë re që ashensori nuk ishte aty. Mediat vendase raportuan se ajo kishte rënë në hapësirën e zbrazët dhe ishte përplasur me çatinë e ashensorit që kishte ndaluar në katin e dytë.
Zjarrfikësat thanë se ajo kishte vdekur në vend. Babai i saj kishte gjetur trupin e së bijës dhe kishte njoftuar shërbimin e emergjencës, të cilat erdhën në vendngjarje rreth orës 8.00 të mëngjesit. Disa orë para vdekjes Clelia kishte postuar disa foto online ku kishte marrë mjaft pëlqime nga miqtë e saj. Ajo punonte part-time ne dy kafene të zonës.
Një mikeshë e saj e quajtur Ilenia shkroi: “Nuk duhet të shkonte kështu, ti duhet të realizoje të gjitha ëndrrat e tua, të krijoje familjen që doje, të gjeje dashurinë”.
Një tjetër shkruante: “Si mund të vdesë dikush kështu. E bukur e dashur, me jetën përpara për të jetuar.”
Policia dhe zjarrfikësit deklaruan se po hetojnë për të zbuluar defektin me systemin e ashensorit, që i kushtoi jetën të resë.
@zërionline
