Gjykata e Posaçme (GJKKO) pranoi kërkesën e ish-kryetarit të bashkisë së Durrësit Vangjush Dako për gjykim të shkurtuar. Pas kësaj Dako dhe tre të pandehurit e tjerë përfitojnë nga ulja e dënimit me 1/3.
Bashkë me Dakon kërkesa për gjykim të shkurtuar u miratua edhe për Fiqiri Farrukun, Fatmir Ejupin e Adrian Bulkun. Ndërkohë për pjesën tjetër, do vijojë procesi me gjykim të zakonshëm.
Ish-kryebashkiaku akuzohet se ka shpërdoruar detyrën së pari në lidhje me projektin e vijës bregdetare dhe së dyti me lejimin e ndërtimit të një pallati në Durrës pa dokumentacionin e nevojshëm, pallat që u dëmtua rëndë nga tërmeti.
@zërionline
