Në vijim të hetimeve rreth përplasjes së dy mjeteve lundruese Jet Ski në plazhin e Velipojës, ku një 19-vjeçar italian humbi jetën, është arrestuar në flagrancë si i dyshuar miku i tij.
Sipas policisë vendore, ngjarja ndodhi rreth një milje larg nga perimetri i sigurisë, në një zonë të thellë të plazhit, ku Jet Ski-t me të cilat po argëtoheshin viktima dhe autori i dyshuar. Dy mjetet u përplasën, duke shkaktuar plagë të rënda te shtetasi italian Nicolo Loro, i cili ndërroi jetë më vonë në Spitalin Rajonal të Shkodrës. Sipas burimeve zyrtare, viktima ishte një i ri 19-vjeçar nga Italia, i cili ndodhej në Shqipëri për pushime.
Pas veprimeve të kryera nga grupi hetimor nën drejtimin e Prokurorisë, u arrestua shtetasi Salvadore Di Tella, 20 vjeç, banues në Napoli, Itali. Ai është identifikuar si vëllai i të fejuarës së viktimës dhe dyshohet se ka qenë drejtuesi i njërit prej Jet Ski-ve të përfshirë në aksident.
Materialet i kaluan Prokurorisë, e cila do të vijojë me hetimet për akuzën e “Vrasjes nga Pakujdesia”. Hetimet janë ende në fazën fillestare, dhe autoritetet pritet të zbardhin rrethanat e sakta të kësaj ngjarjeje tragjike.
@zërionline
