Me vendim gjykate, pas më shumë se një viti e tre muaj pas hekurave Fredi Beleri la qelinë të hënën. Gjykata e Fierit pranoi kërkesën e tij për t’u liruar me kusht.
Në dalje, ai u prit nga i biri, ndërsa sa kaloi pragun e burgut të Fierit të parin mesazh zgjodhi ta përcjellë në gjuhën greke. Mediave të vendit fqinj e me pas atyre shqiptare u tha se do ta kërkojë pafajësinë në Strasburg dhë nëse fiton do t’i rikthehet jetës politike. Por deri sa të flasë Strasburgu, ai deklaroi se do të jetojë jashtë Shqipërisë, mes Athinës, aty ku u zgjodh eurodeputet, dhe Brukselit.
Beleri hodhi akuza për paligjshmëri në zgjedhjet e gushtit në Himarë megjithatë tha se do të bashkëpunonte me pasardhësin e tij, Tavon për të mirën e Himarës.
Beleri u lirua me kusht nga qelia afro gjashtë javë nga përfundimi i dënimit për korrupsion zgjedhor.
©️zërionline
