Një 33-vjeçare e cila punonte në një banesë në Durrës si pastruese është vënë në pranga për vjedhje. Në pranga ka rënë edhe bashkëpunëtori i saj, një 42-vjeçar F.H., ndërsa vëllai i tij A.H. 36 vjeç, është shpallur në kërkim. Sanitarja kishte shoqëri me dy vëllezërit të cilët i ndihmoi dhe informoi për të kryer vjedhjen, por përfundoi në pranga.
Operacioni i koduar “Kopja” zbuloi një skemë ku një sanitare, 33-vjeçarja E.K., i kishte siguruar vëllezërve E.H. dhe A.H. kopje të çelësit të banesës së një 59-vjeçari, duke ndihmuar në kryerjen e një vjedhjeje të konsiderueshme.
Pasi kishte marrë informacione për mungesën e familjarëve në shtëpi, dy vëllezërit vodhën një shumë të madhe parash dhe bizhuteri. Policia arrestoi sanitaren E.K. dhe një prej vëllezërve, ndërsa vëllai tjetër është shpallur në kërkim. Në kontrollin e banesës u gjetën dhe sekuestruan një varëse, një unazë floriri, një shumë parash dhe një automjet të dyshuar që ishte përdorur gjatë kryerjes së vjedhjes.
Operacioni vjen si pjesë e përpjekjeve të vazhdueshme të Policisë së Durrësit për zbardhjen e vjedhjeve të mëparshme në qytet.
©️zërionline
