Katër turistë të huaj përballen me një emergjencë në det tê hapur. Një defekt në motorrin e mjetit lundrues ku ndodheshin i ka spostuar drejt Gjirit të Durrësit.
Efektivët e Njësisë Policore Detare dhe Policisë Kufitare ndërhynë me sukses për të shpëtuar jetën e 4 shtetasve të huaj, pasi mjeti i tyre lundrues pësoi defekt në ujërat shqiptare.
Turistët, dy anglezë, një zvicerian dhe një australian, ishin nisur nga Mali i Zi, por mjeti i tyre u përball me një problem teknik në motor, në zonën midis Velipojës dhe Shëngjinit, duke rrezikuar të fundosej.
Falë ndërhyrjes së shpejtë të Policisë Detare dhe Kufitare, turistët u shpëtuan dhe u sollën në breg në gjendje të mirë shëndetësore, ndërsa mjeti lundrues u tërhoq gjithashtu në breg. Shtetasit e huaj falënderuan forcat policore për ndihmën e ofruar në këtë situatë kritike.
©️zërionline
