Nxënësit e shkollës “Ramazan Karaj” në Nikël të Fushë Krujës kanë bojkotuar mësimin gjatë kësaj jave për dy ditë radhazi, duke protestuar për mungesën e godinës shkollore. Pas tërmetit të nëntorit 2019, shkolla u rrafshua plotësisht dhe premtimet për rindërtimin e një ndërtese të re nuk janë realizuar. Ndërkohë, fëmijët nga disa fshatra të njësisë administrative Nikël kanë qenë të detyruar që prej afro pesë vitesh të ndjekin mësimet në shkollat e Fushë-Krujës.
Procesi i ndërtimit të shkollës së re në Nikël deklarohet nga prindërit se është penguar nga burokracitë e institucioneve, të cilat kanë vonuar zgjidhjen e këtij problemi, duke lënë fëmijët pa ambientin arsimor të nevojshëm pranë vendbanimit të tyre. Në bojkotin e nxënësve është bashkuar edhe deputetja Andia Ulliri, duke shtuar kështu zërin për një zgjidhje të shpejtë dhe të drejtë të kësaj çështjeje.
©️zërionline
