Në faqen zyrtare të Agjencisë Shtetërore të Kadastrës (ASHK) janë publikuar emrat e 101 familjeve në Bashkinë Shijak, të cilat kanë përfituar vendimin për legalizimin e ndërtimeve pa leje. Ky vendim u jep mundësinë banorëve të përfitojnë certifikatën e pronësisë për pronat e tyre.
Kryetari i Bashkisë Shijak, Elton Arbana, duke vlerësuar nismën e kryeministrit Rama për të përshpejtuar procesin e legalizimit përmes përfshirjes së bashkisë dhe ecurinë e saj deklaroi: “Synimi ynë është që çdo familje që ka plotësuar dosjen në bashkinë Shijak të përfitojë certifikatën e pronësisë sa më shpejt.”
Përshpejtimi dhe monitorimi i procesit të legalizimit janë një prioritet për qeverisjen qendrore dhe lokale.
Banorët aplikues mund të kontrollojnë listën e përfituesve duke klikuar në këtë link: https://www.ashk.gov.al/2024/11/13/vendime-legalizimi-per-bashkine-shijak
Pas 30 ditësh nga data e emetimit të vendimit, përfituesit duhet të paraqiten pranë Drejtorisë Vendore të ASHK Durrës për ta tërhequr atë dhe mund të aplikojnë për regjistrimin, pajisjen me certifikatën e pronësisë, kartelën e pasurisë dhe fragmentin e hartës kadastrale përmes portalit e-Albania.
©️zërionline
