Një 12-vjeçar nga fshati Luz i Vogël, Kavajë, është kapur nga policia ndërsa mbante me vete një armë zjarri pistoletë me një karikator me fishekë luftarak. Falë informacionit të marrë nga qytetarët, shërbimet e policisë bënë të mundur lokalizimin dhe shoqërimin e të miturit në komisariat.
Pas kontrollit fizik, efektivët i gjetën armën dhe municionin, ndërsa specialistët për hetimin e krimeve proceduan penalisht babanë e të miturit, shtetasin B.A., 35 vjeç, për veprën penale “Keqtrajtimi i të miturve”.
Ndërkohë, policia po vijon hetimet në bashkëpunim me prokurorinë për të zbuluar burimin e armës dhe për të dokumentuar ngjarje të tjera ku dyshohet se mund të jenë përfshirë i mituri dhe babai i tij.
12-vjeçari, për shkak të moshës, është lënë i lirë, ndërsa arma dhe municioni luftarak janë sekuestruar si prova materiale.
©️zërionline
