Policia e Durrësit ka ndaluar Leandro Dervishin, 35 vjeç, hartograf në Kadastrën e Durrësit, i shpallur në kërkim për shpërdorim detyre. Ai u arrestua nga specialistët për hetimin e krimeve ekonomiko-financiare, pas vendimit të Gjykatës së Durrësit që kishte caktuar ndaj tij masën e sigurimit “arrest në burg”.
Hetimet lidhen me regjistrimin e një prone prej 12 900 m² në Lalëz, duke përdorur dokumente të falsifikuara. Në nëntor të vitit të kaluar, për këtë çështje u arrestua edhe ish-kreu i Kadastrës së Durrësit, A. Kona.
Përveç Dervishit dhe ish-drejtorit të Kadastrës, nën hetim për këtë rast janë edhe juristi i Kadastrës Bledar Zerba, kushëri i kryeregjistruesit, si dhe përfituesja e pronës, një 45-vjeçare nga Tirana, e cila ka përfituar paligjshëm këtë tokë, që më parë ka pasur statusin e pronës shtetërore.
©️zërionline
