Një aksident i rëndë me pasojë vdekje ka ndodhur në orët e para të mëngjesit së hënës në autostradën Tiranë-Durrës, në afërsi të Qafë Kasharit.
Si pasojë, 25-vjeçari Gëzim Muçaj ka humbur jetën gjatë transportit për në spital, ndërsa tre persona të tjerë ndodhen në gjendje të rëndë në Spitalin e Traumës. Të plagosurit janë Eduart Ripa, 61 vjeç, Ervin Qira, 40 vjeç, dhe Shkëlqim Doçi, 65 vjeç.
Sipas burimeve, të aksidentuarit dhe viktima udhëtonin me një furgon për në Palasë, ku po shkonin për punë. Drejtuesi i furgonit ka humbur kontrollin dhe është përplasur me trafikndarësen. Teksa pasagjerët dolën nga mjeti për të parë dëmet, një automjet tjetër që lëvizte me shpejtësi i ka goditur, duke shkaktuar tragjedinë.
Policia ka shoqëruar në komisariat drejtuesin e mjetit që shkaktoi aksidentin, shtetasin Ismail Laçe. Ndërkohë, grupi hetimor po punon për të zbardhur plotësisht rrethanat e ngjarjes.
©️zërionline
