Aktori legjendar i Hollivudit, Gene Hackman, 95 vjeç, është gjetur i vdekur në shtëpinë e tij në Santa Fe, New Mexico, së bashku me gruan e tij, pianisten Betsy Arakawa, 63 vjeç, dhe qenin e tyre.
Policia menjëherë ka nisur nga puna për të zbuluar shkakun e vdekjes së aktorit dhe bashkëshortes së tij, kurse Sherifi i qarkut Santa Fe, Adan Mendoza, konfirmoi lajmin të enjten.
Hackman ishte një nga aktorët më të arrirë të të gjitha kohërave, falë roleve të yjeve në “The French Connection”, “Bonnie and Clyde” dhe “The Royal Tenenbaums”.
Në vitin 1972, ai fitoi çmimin Oskar për aktorin më të mirë në filmin “The French Connection” dhe një tjetër për aktorin më të mirë dytësor për rolin e Little Bill Daggett në filmin “Unforgiven” në 1992.
©️zërionline
