Mbrëmjen e së dielës u pranua rezultati i votimit për Primaret 2025 në qarkun e Durrësit, që shënoi një pjesëmarrje prej 4,920 anëtarësh. Sipas drejtuesit politik të PD për qarkun, Oerd Bylykbashi votimi u zhvillua në një atmosferë entuziazmi dhe përkushtimi, duke shënuar një nga pjesëmarrjet më të larta në këtë proces.
Të dhënat për numrin e votuesve sipas zonave janë si më poshtë:
🔹 Durrës – 2,753 votues
🔹 Shijak – 877 votues
🔹 Fushë-Krujë – 718 votues
🔹 Krujë – 572 votues
Numërimi u zhvillua për 12 orë pa ndërprerje, në prani të kandidatëve dhe medias, duke garantuar një proces transparent dhe të besueshëm. Rezultatet e këtij procesi u pranuan nga Komisioni i Organizimit dhe Kontrollit të Operacioneve Elektorale (KOKOE), duke legjitimuar përfundimisht garën e Durrësit.
Drejtuesit e PD shprehën mirënjohjen e tyre për komisionerët dhe numëruesit, duke vlerësuar punën e tyre me kohë të zgjatur. Gjithashtu, ata falënderuan kandidatët që morën pjesë në garë, duke e cilësuar këtë proces si një demonstrim të energjisë dhe vendosmërisë për fitoren e 11 majit.
Ndërkaq më të votuarit janë:
1. Igli Cara 622
2. Manjola Luku 424
3. Aulon Kalaja 296
4. Skënder Dika 275
5. Dritan Burgija 263
©️zërionline
