Gjykata e Durrësit ka vendosur masën e dënimit me një muaj burg për Mariglen Daiun, 36-vjeçarin i cili u kap në pikën kufitare të Portit të Durrësit me një shumë prej 223 mijë eurosh të padeklaruara.
Daiu u arrestua në flagrancë nga autoritetet kufitare, të cilat gjatë kontrollit zbuluan shumën e konsiderueshme të parave që ai po përpiqej ta kalonte jashtë pa e deklaruar sipas rregullave ligjore. Pas verifikimeve, ai u përball me akuzën e “mosdeklarimit të të hollave në kufi”, një shkelje e cila mund të ketë implikime më të gjera në hetimet për pastrimin e parave dhe evazionin fiskal.
Masa e një muaji burgim vjen si një dënim relativisht i lehtë për një rast të tillë, ndërkohë që mbetet e paqartë origjina e saktë e shumës së sekuestruar dhe destinacioni i saj. Autoritetet vijojnë hetimet për të përcaktuar nëse kemi të bëjmë me një rast të izoluar apo me një skemë më të gjerë financiare të jashtëligjshme.
©️zërionline
