Kryetarja e deleguar e Bashkisë së Tiranës, Anuela Ristani shkarkoi nga detyra nënkryetaren Sara Goxhaj dhe Sekretarin e Përgjithshëm, Alban Dokushi.
Anuela Ristani rimori drejtimin e institucionit të enjten. Ndërkohë, tri ditë më parë, Erion Veliaj nxori një urdhër, ku i jepte kompetencat e tij pikërisht Sara Goxhajt, që sot u shkarkua. Por, më pas, Veliaj e ndryshoi vendimin, pasi sikurse shkroi në Facebook, pas kundërshtimit të Ramës, ridelegimi i kompetencave ishte i gabuar pasi kishte menduar që ekipi drejtues ishte dakordësuar më parë.
Ndërkaq kreu i opozitës Sali Berisha ka deklaruar se këto vendime të Ristanit janë antikushtetuese dhe se duhet të mblidhet Këshilli Bashkiak i Tiranës për të caktuar nënkryetarin që do të drejtojë Tiranën dhe vendosë për të. Ndërkohë Ristani ka marrë bekimin e kryeministrit Rama.
©️zërionline
