Qyteti i Durrësit u kthye në një skenë të gjallë dhe plot ngjyra gjatë zhvillimit të edicionit të 28-të të Festivalit Ndërkombëtar “Luajmë dhe Vallëzojmë”. Fëmijë nga vende të ndryshme të rajonit dhe më gjerë sollën një atmosferë festive, duke shpalosur përpara artdashësve më të mirën e folklorit dhe kulturës së vendeve të tyre.
Me veshjet tradicionale, këngët dhe vallet karakteristike, pjesëmarrësit ngjallën entuziazëm dhe emocion te publiku, duke e kthyer festivalin në një festë të vërtettë. Ky aktivitet ndër vite ka krijuar traditën e bashkimit përmes artit dhe ruajtjes së trashëgimisë kulturore, veçanërisht mes brezave të rinj.
©️zërionline
