Një aksident me pasojë vdekjen ka ndodhur në orët e para të mëngjesit të sotëm, rreth orës 04:30, në rrethrrotullimin e Kolonjës, përgjatë aksit nacional Fier–Lushnjë.
Viktima është Serxhio Gogaj, 28 vjeç, i cili ka humbur kontrollin e mjetit tip “Volkswagen” që drejtonte, duke përfunduar në një kanal kullues anës rrugës. Dyshohet paraprakisht se shkak i aksidentit ka qenë përgjumja e drejtuesit, e shoqëruar me shpejtësi të lartë, gjë që dyshohet se ka sjellë përplasjen e mjetit me barrierën mbrojtëse metalike.
Trupi i pajetë i të riut është transportuar në morgun e spitalit të Lushnjës. Ekspertiza mjeko-ligjore pritet të përcaktojë nëse vdekja ka ardhur si pasojë e përplasjes apo mbytjes në ujë.
Ndërkaq grupi hetimor po punon për zbardhjen e plotë të rrethanave të aksidentit.
©️zërionline
