Një ngjarje e rëndë kriminale është regjistruar mbrëmjen e sotme në periferi të Durrësit, në zonën e Fllakës. Sipas informacioneve paraprake, një person ka mbetur i plagosur me armë zjarri.
I plagosuri është identifikuar si Arbër Gorgea, 36 vjeç me banim në Durrës. Ai është transportuar menjëherë drejt Spitalit Rajonal të Durrësit, ku ndodhet në gjendje jo të mirë shëndetësore dhe nën kujdesin intensiv të mjekëve.
Grupi hetimor dhe forcat e policisë ndodhen në vendin e ngjarjes dhe po punojnë për të zbardhur motivet dhe rrethanat e këtij atentati. Ende nuk dihen autorët, ndërkohë që zona është rrethuar dhe po kontrollohet për të identifikuar të dyshuarin/t.
©️zërionline
