Mbrëmja e kaluar solli një atmosferë të veçantë në Amfiteatrin Antik të Durrësit, ku muzika mesdhetare u kthye në një urë midis kulturave. Orkestra e njohur Magna Grecia nga Taranto solli koncertin me titullin “Mesdheu në Muzikë”, si pjesë e Javës së Kulturës Italiane në Shqipëri.
Alessandro Ruggera, Drejtor i Institutit Italian të Kulturës u shpreh:
“Kemi zgjedhur Durrësin për këtë koncert për të theksuar lidhjen historike dhe kulturore që ekziston mes vendeve tona në hapësirën mesdhetare.”
Të rinjtë virtuozë të orkestrës italiane interpretuan me pasion një repertor të pasur që ndërthurte veprat klasike me vepra bashkëkohore.
Ky koncert shënoi edhe hapjen zyrtare të sezonit artistik në Durrës, i cili këtë verë premton aktivitete të shumta në hapësira publike dhe monumente historike.
“Mesdheu në Muzikë” la pas jo vetëm kujtime të bukura, por edhe një frymë shprese për një verë plot art e kulturë në qytetin antik të Durrësit.
©️zërionline
