Turisti 34-vjeçar me shtetësi britanike, Sylvester Obeg, i cili humbi jetën në një aksident detar në zonën e Shkëmbit të Kavajës, ka ndërruar jetë si pasojë e asfiksisë në ujë. Ekspertiza mjeko-ligjore ka konfirmuar shkakun e vdekjes, ndërkohë që shoqja e tij, 31 vjeçe, Vera Baume, që ndodhej në motor me të, ka dalë nga spitali në gjendje të mirë shëndetësore.
Sipas burimeve spitalore, 31-vjeçarja britanike iu nënshtrua kontrolleve të plota mjekësore dhe qëndroi nën vëzhgim për 24 orë në pavionin e patologjisë së spitalit të Durrësit. Ngjarja ndodhi afër mesditës së të dielës, kur dy të rinjtë me origjinë nga Gana, por banues në Mbretërinë e Bashkuar, që bënin pushime në Shqipëri së bashku me miq të tyre. Sipas dëshmisë së vajzës, qe ka treguar dinamikën e ngjarjes, ata kishin marrë me qira një motor uji.
Pas kësaj, gjatë lëvizjes me shpejtësi dhe një manovre të forte në thellësi, mjeti u përmbys dhe dy turistët që kishin jelekë shpëtimi përfunduan në ujë. Por sipas 31-vjeçares, ndryshe nga ajo, që përfundoi në det, viktima u zu poshtë nga mjeti. Edhe pse ishte me jelek shpëtimi, ai nuk mundi të mbijetojë. Një patrullë kufitare, që ndodhej në breg për kontrollin e mjeteve ujore, reagoi menjëherë dhe njoftoi policinë kufitare, e cila shkoi në ndihmë të turistëve që u nxorën menjëherë nga uji dhe dërguan në urgjencën e spitalit të Durrësit. Fatkeqësisht, për Sylvester Obeg ishte tepër vonë. Mjekët konstatuan vdekjen e tij, ndërsa ekspertiza mjeko-ligjore dhe mbytjen si shkak të vdekjes. Ndërkohë lidhur me ngjarjen policia e Durrësit arrestoi operatorin turistik që ofronte mjetet ujore, nën akuzën e shkeljes së rregullave të mbrojtjes në punë. Ai kishte lejuar viktimën të drejtonte motorin pa leje përkatëse, duke rrezikuar jetën e klientëve të tij. Hetimet për ngjarjen vijojnë.
©️zërionline
