Elon Musk duket se u pendua për disa prej postimeve të tij në lidhje me presidentin Donald Trump pas përplasjeve të tyre të fundit publike, ku CEO i Tesla-s kërkoi shkarkimin e Trump dhe pretendoi se ai u shfaq në dosjet që lidhen me Jeffrey Epstein.
“Shkova shumë larg”, ka shkruar Musk në platformën e tij X të mërkurën në mëngjes, gati një javë pasi u përplas me Presidentin në të njëjtën faqe të mediave sociale.
Përplasja midis Trump dhe Musk më 5 qershor ishte një tronditje e fortë e marrëdhënies që ka përcaktuar pjesën e parë të administratës së dytë të Trump.
Trump dhe Musk, të dy përdorues të zjarrtë të mediave sociale, përshkallëzuan retorikën kundër njëri-tjetrit, derisa Musk po pretendonte se Trump nuk do të kishte fituar zgjedhjet e vitit 2024 pa ndihmën e tij, kurse presidenti argumentonte se Tesla po “kalonte një kohë të vështirë” dhe se Musk ishte “i lodhur” kur u largua nga Shtëpia e Bardhë në fund të majit.
Por tani po shkohet drejt “paqes”, Musk po tërhiqet nga komentet e tij nxitëse. Në një postim në X në mëngjes, njeriu më i pasur në botë shkroi: “Më vjen keq për disa nga postimet e mia rreth presidentit Donald Trump javën e kaluar. Ato shkuan shumë larg”.
Musk fshiu më parë pretendimin e tij se Trump ishte pjesë e dosjeve të Epstein të shtunën, dy ditë pasi e postoi për herë të parë. Që atëherë, Musk ka ndarë në X komentet e bëra nga Trump dhe Zëvendëspresidenti JD Vance në lidhje me trazirat e Los Angeles.
©️zërionline
