Një ngjarje e rëndë është regjistruar paraditen e sotme, ku një burrë ka tentuar t’i japë fund jetës duke u hedhur nga çatia e një shtëpie.
Burri, i identifikuar si Artan Perfundi, është pikasur në kohë nga qytetarët, të cilët kanë njoftuar policinë për ndihmë. Menjëherë në vendngjarje kanë mbërritur forcat zjarrfikëse dhe efektivë të policisë, të cilët kanë ndërhyrë duke e neutralizuar dhe zbritur të sigurt nga çatia.
Sipas njoftimit paraprak të policisë, dyshohet se Përfundi vuan nga probleme të shëndetit mendor dhe përballet gjithashtu me vështirësi të natyrës familjare.
Fatmirësisht, falë ndërhyrjes së shpejtë, është shmangur një tragjedi. Ndërkohë, pritet që t’i bëhet vlerësimi psikiatrik dhe mbështetja e nevojshme për gjendjen e tij.
©️zërionline
