Një shpërthim i fuqishëm është regjistruar mëngjesin e sotëm në një pikë karburanti në Romë. Kryeqyteti italian u zgjua këtë mëngjes nga një shpërthim i fortë, pak pas orës 8 të mëngjesit.
Mediat italiane raportojnë se si pasojë e shpërthimit kanë mbetur të plagosur disa persona, tre prej tyre me djegie të rënda. Ka edhe të plagosur midis banorëve të ndërtesave aty pranë, të goditura nga vala e goditjes.
Thuhet se zjarrfikësit u thirrën në vendngjarje pas raportimeve për një kamion që kishte goditur një tubacion., ndërsa kur mbërritën në zonë, ka ndodhur edhe shpërthimi.
Sipas Reuters, shpëthimi në pikën që tregtonte benzinë, naftë dhe gaz ka qenë aq i fuqishëm, sa është dëgjuar në të gjithë kryeqytetin italian.
Sipas informacionit fillestar të dhënë nga Departamenti i Zjarrfikësve, aksidenti u shkaktua nga shkëputja e një pompe nga një cisternë që furnizonte sistemin e shpërndarjes së karburantit.
Departamenti Kombëtar i Zjarrfikësve ndërhyri menjëherë, duke aktivizuar të gjitha procedurat e emergjencës për të kontrolluar zjarrin dhe për të siguruar zonën e prekur.
I plagosur një zjarrfikës, pjesëtarë të 118 dhe kalimtarë.
©️zërionline
