Gjykata e Vlorës ka vendosur masën e sigurisë “Arrest me burg” për babain e 17- vjeçares që tentoi vetëvrasjen tri ditë më parë.
Ai akuzohet për veprën penale” Dhuna në familje” dhe “ Shkaktimi i vetëvrasjes”. Gjatë seancës është kërkuar një masë më e lehtë sigurie për 43 vjeçarin, por gjyqtari B. Beqiraj ka pranuar kërkesën e prokurorisë duke përcaktuar masën e sigurisë “Arrest në burg”.
Ngjarja e rëndë ndodhi vetëm pak ditë më parë në Vlorë, ndërsa 17 vjeçarja qëlloi veten me pistolete në banesën e gjyshit të saj duke marrë plagë në kokë, pas një debati me të atin. Ajo ndodhet në Spitalin e Traumës në Tiranë, në gjendje të rëndë. Në procedim penal është edhe gjyshi i vajzës për armëmbajtje paleje. Policia vijon hetimet për ngjarjen dhe gjetjen e armës, e cila sipas bluve të Vlorës dyshohet se është fshehur nga familjarët.
©️zërionline
