Peshëngritësja e re Enkileda Carja ka dhuruar një paraqitje të jashtëzakonshme në Kampionatin Europian për të rinjtë deri në 17 vjeç, që po zhvillohet në Madrid. Sportistja shqiptare u shpall kampione e trefishtë Europe në peshën 63 kilogramë, duke fituar medalje të arta në të trija garat: shkëputje, shtytje dhe dygarësh.
Por sukseset e saj nuk u ndalën këtu. Enkileda Carja vendosi plot pesë rekorde europiane për moshën e saj, duke konfirmuar talentin e jashtëzakonshëm dhe përgatitjen e nivelit të lartë që ajo ka arritur.
Arritja e saj ka marrë vëmendjen dhe përgëzimet edhe në nivelin më të lartë të qeverisë. Kryeministri Edi Rama e ka uruar Carjan me një status në rrjetet sociale:
“Urime Kampione ❤️👏”, shkruan ai, duke publikuar gjithashtu lajmin për medaljen e artë dhe rekordet e thyera në Madrid.
Ky është një moment krenarie për sportin shqiptar dhe një sinjal i qartë se brezat e rinj po sjellin energji të re në arenën ndërkombëtare.
Enkileda Carja është një emër që do të dëgjohet gjatë në sportin e peshëngritjes!
©️zërionline
