Një aksident tragjik është shënuar mëngjesin e sotëm në aksin Pogradec–Lin, ku u përplas rëndë 70-vjeçarja Manushaqe Gjoka.
Fillimisht, e moshuara u dërgua me urgjencë në spitalin e Pogradecit, ndërsa për shkak të gjendjes së rëndë shëndetësore u vendos transferimi drejt Spitalit të Traumës në Tiranë. Por, fatkeqësisht, ajo ndërroi jetë gjatë transportit, në afërsi të qytetit të Elbasanit.
Burime bëjnë të ditur se viktima ishte nga Durrësi dhe kishte ardhur në Pogradec për pushime. Autoritetet po hetojnë rrethanat e ngjarjes.
©️zërionline
