Zbardhet dinamika e aksidentit, policia ka arrestuar Kevi Norrën, 23 vjeç, i cili rezulton të jetë drejtuesi i mjetit që shkaktoi aksidentin tragjik në rrugën Delvinë–Sarandë, ku humbën jetën dy motrat Elvisa dhe Rozina Dhimaku dhe u plagos rëndë një vajzë tjetër.Hetimet paraprake kanë zbardhur rrethanat e ngjarjes. I riu, punonjës i Ministrisë së Brendshme, po udhëtonte nga Saranda në drejtim të Gjirokastrës, kur në një moment tentoi të parakalonte me shpejtësi një tjetër automjet. Manovra e rrezikshme e bëri atë të kalonte në korsinë e kundërt, ku përballë po vinte automjeti me tre vajzat. Përplasja ishte ballore dhe fatale.Testet e alkoolit treguan se Norra ndodhej në gjendje të dehur në momentin e aksidentit. Rezultatet ishin përkatësisht 1.52 mg/l dhe 1.42 mg/l, shumë mbi normën e lejuar. Për pasojë, ai u vu në pranga dhe akuzohet për shkelje të rregullave të qarkullimit rrugor dhe drejtim të automjetit në mënyrë të parregullt.Nga përplasja humbën jetën menjëherë dy motrat nga Delvina, ndërsa 24-vjeçarja Antonela Zhupa ndodhet rende, po jashtë rrezikut për jetën. Rozina Dhimaku, ishte studente e Mjekësisë dhe ëndërronte të bëhej mjeke.Ky arrestim vjen në një kohë kur vetëm brenda 24 orëve të fundit janë regjistruar pesë aksidente rrugore në vend, me bilanc të rëndë: tre të vdekur dhe katër të plagosur. Policia rrugore ka intensifikuar kontrollet, ndërsa apelohet për respektimin e rregullave të qarkullimit dhe shmangien e drejtimit të mjetit nën efektin e alkoolit.
©️zërionline
