Pas arrestimit të Ardian Halilit ish-kryeinspektor i IMT-së së Durrësit, pasditen e sotme pritet të shembet me lëndë plasëse resorti ” Saint Michelle Residence” në Shetaj, në Kepin e Rodonit. Resorti në një nga zonat më të bukura të bregdetit të Adriatikut i përket ish-kreut të Inspektoriatit të Mbrojtjes së Territorit Durrës, Ardian Halili. Ai nisi ta ndërtojë atë ndërsa ishte drejtues i IMT-së në periudhën 2017-2021.
55-vjeçari Halili, bashkëshort i ish- prokurores së Durrësit Rabiana Halili, u arrestua të mërkurën nga Policia e Durrësit pasi u kap duke kryer sërish punime pa leje në resortin me sipërfaqe 5600 m2. Resorti përmban ambiente sportive, një godinë dykatëshe, 11 garsoniera, pishinë dhe restorant.
Në Kepin e Rodonit janë evidentuar rreth 66 objekte paleje, të cilat kanë nisur të shemben që nga kjo e hënë.
©️zërionline
