Një ngjarje e rëndë ka ndodhur rreth orës 13:55 në lagjen nr. 2 të Rrogozhinës, ku një vajzë 2-vjeçare ka humbur jetën pasi u godit nga një automjet.
Sipas informacionit paraprak të policisë, shtetasi F. Xh., 24 vjeç, banues në Rrogozhinë, duke kryer manovrën e kthimit të mjetit në rrugën e lagjes, ka përplasur të miturën, e cila nuk ka mundur t’i mbijetojë plagëve.
Drejtuesi i automjetit është shoqëruar menjëherë në Polici për veprime të mëtejshme procedurale. Ndërkohë, grupi hetimor ndodhet në vendngjarje dhe po punon për sqarimin e plotë të rrethanave dhe dokumentimin ligjor të kësaj ngjarjeje tragjike.
