Prokuroria e Durrësit, e cila ka nisur hetimet prej disa ditësh për vdekjen e një 54-vjeçari si dhe për të përcaktuar shkaqet e përmbytjeve në Durrës ku u shkaktuan dhjetra milionë euro dëme. Në kuadër të hetimit mësohet se prokuroria ka sekuestruar edhe dokumentacionin që lidhen me ndërtimin e hidrovorit të ri në Port Romano me vlerë 19 milionë euro.
Sipas grupit të hetimit është bërë sekuestrimi i dokumentit për hartimin e studimit të projektit për rehabilimin e infrastrukturës së rrjetit të kullimit në zonën e Porto Romanos dhe sistemi i rrjetit të ujërave të shiut në zonën urbane të qytetit të Durrësit në kuadër të procesimit të rindërtimit me fond limit 87 milionë lekë.
Gjithashtu është marrë pranë Bashkisë së Durrësit e gjithë procedura tenderuese për hidrovorin, e po ashtu dokumentet e zbatimit të projektit.
Sipas burimeve të Prokurorisë, ka dyshime se hidrovori nuk ka funksionuar plotësisht e për pasojë janë shkaktuar edhe përmbytjet.
©️zërionline
